Ad Banner
Ad Banner
Ad Banner
Ad Banner

Eliminohet Arsenali, Atletico në finale të Evropa Ligës

23:01 | 3 Maj 2018
Arbresh Info

Atletico Madridi ka siguruar kualifikimin në finale të UEFA Evropa Ligës.

Gjiganti spanjoll ka eliminuar Arsenalin në gjysmëfinale të kompeticionit të dytë më të madh evropian duke e mposhtur me rezultat të përgjithshëm 2 me 1, shkruan portali arbresh.info.

Pas barazimit 1 me 1 në Emirates, skuadra e Diego Simeones arriti të regjistroj fitore mbrëmjen e sotme (e enjte) me rezultat minimal 1 me 0 në Wanda Metropolitano duke siguruar biletën për finalen që zhvillohet në Lyon.

Goli nga Diego Costa në minutat shtesë të pjesës së parë ishte vendimtar duke i dhënë fund shpresave të skuadrës së Arsene Wenger për të fituar ndonjë trofe.

Rivali i skuadrës spanjolle në finale të këtij kompeticioni ende nuk është mësuar për shkak se ndeshja ndërmjet Marseilles dhe Salzburgut ka shkuar në vazhdime./arbresh.info/

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm